[54] 恭喜發財!!!! 麥當勞提早祝大家招財有福又有寶...\(n_n)/

麥當勞又有新飽推出啦!

相信近日大家睇電視廣告, 又或者親臨麥當勞都會見到

"牛肉招財福寶"推出左啦

仲有正到爆的扭扭薯添

剛過去的星期一

好開心, 又繼續被邀請出席佢地的聚會

一見到利是封, 就好想快啲收利是, 快啲新年啦

又金色又有紅色! 今次繼續有軟硬佢地為利是封設計封面

由1月2日起，凡購買任何一款「招財福堡超值套餐」
即可獲贈由軟硬親自設計的紅色利是封兩對，多買多送，數量有限，送完即止
每款利是封都印有「Q版軟硬」不同的趣緻祝賀動作
相信不論大人或是小朋友收到軟硬利是都會滿心歡喜，顧客務必要儲齊一套6款

打響頭炮試新包

登登......牛肉招財福堡

以鬆軟的芝麻長麵包夾著軟嫩多汁的牛肉，牛肉沾滿了蒜味濃郁香辣惹味的黑胡椒醬，
再加上爽脆洋蔥粒，為您帶來至豐足的滋味！

好Juicy ! 又多洋蔥! 好味到暈呀!! 

 

由於鴨仔小姐同羅羅子小姐唔食牛肉
好啦, 小妹就頂左"成個"佢啦! 我唔客氣啦
但係.....佢地未影完相! -_- 我就仲未可以食住
張開個口咁耐, 我真係口水都流埋嚕

我唔影喇! 我要食飽啦 

Um.....Yummy 呀!!!!!! 呵呵呵呵

南瓜湯

南瓜湯散發著鮮甜的南瓜香味，質感豐厚，配上一圈香滑忌廉，令人溫暖窩心。
任何超值套餐加配：$8 咁凍的天氣梗係要飲返啲暖心的湯啦! 又滑又香濃!! 正呀 

(雙眼發光中) 哇.......扭扭薯呀!!!!!!!! 

扭扭薯條

扭扭薯條開心又多脆，扭扭造型令滋味更豐富
任何超值套餐轉配：$2.5 

雞腿招財福堡

同樣以鬆軟的芝麻長麵包夾著軟嫩多汁的板燒雞腿，雞腿沾滿了蒜味濃郁香辣惹味的黑胡椒醬
再加上清新生菜，為今個新年「招財進寶」！
不過, 呢個雞堡比牛堡辣少少, 對於唔太食得辣的朋友, 咁就可能要叫同事少醬喇 :)
又或者, 考慮食返板燒雞腿飽算數xd

而「雞腿招財福堡」亦將會緊接推出，敬請各位fans密切留意。

  

呢個係乜東東呢 ( 我都知呢個係Ipad, 我講緊Ipad 入面show緊啲咩呀)

「麥當勞恭喜你」iPhone 及iPad App  

顧客只需要免費下載「麥當勞恭喜你」iPhone 及iPad App，然後「Shake 一 Shake」 手機，
即可組成最爆Fun的新年祝福，儲存訊息後更可與親友分享。

另外，只要用手機鏡頭對準軟硬的「麥當勞失驚無神恭喜你」電視廣告，
他們便會突然Pop出來與你拜年，更有可能送你新年驚喜，祝大家全年好運兼有口福！

SO sad 呀!!!!! 我都唔係Iphone/Ipad.....耶>3<好衰架!!!!! 我無得玩喇

好啦, 又係咖啡拉花時間, 上一次........我被強迫其中一個試範拉花
結果人地明明整得好好睇, 我就整左一個煤炭屎鬼出來 -_-

今次.......我一定唔肯架 (石先生你唔好拉我呀.....救命呀 XDDDD)

 

睇下人家拉得幾pro !!

McCafe 最新推出

Golden Nutty Mocha & Cookies n Cream Cheese Cake

登登!!!!!!! 好靚喔......每杯附埋一粒金莎, 聽佢地講
飲一啖, 再咬一啖金莎.....好正架 *v*

新年將到, 仲有"福"字朱古力粉模

 

 

石先生xd 同上次一樣, 都係要你出手試範呀...哈哈哈哈

好多朱古力粉, 好有"福"氣呀!!!!! 

試下味先, 太夜飲咖啡會訓唔著架 >w< 但唔理了, 照飲 (結果當晚眼光光左好耐-_-)

凍的都好好飲呀!!!!!!!!!!!!!!! 好重朱古力味!!!! i like it !!
喜歡Cookies & Cream 的朋友一定唔可以唔試呢個Cheese Cake 喇! 正呀

 

點少得為食咭呢? 我就已經有一套四款啦!! 

今次以食物做封面主題! 唔係四方咭咁單調架
有線條架人地, 我就 Keep 左雪糕新地比自己用, 再分左兩張比父母
想儲齊的朋友, 快啲去麥當勞儲齊佢啦! YEAH !! 

 

有為食咭又有金莎食, 真係開心喔

大合照時間!!! 是晚真的好開心, 又食又拎的gathering !! 遲啲再見大家 :) 

多謝收看. 請支持留言及推薦一下

另可關注我更多 -

♥ theZtyle ♥ | ♥ YahooBlog ♥ | ♥ Blogspot ♥