[58] 下雨天無懼反斗的心情＊Toy Story Land 反斗奇兵大本營

下雨天........亦都無損我同媽媽, 王子去迪士尼 Toy Story Land 的心情

多謝迪士尼繼上一次邀請我食.住.玩樂之後

今次再可以去全新的 Toy Story Land 玩餐飽

講返少少迪士尼資料先
香港迪士尼樂園遊樂設施機械可靠度為全球迪士尼樂園之冠，達99%。好厲害呢

他們正研究採用應用於手機的科技，讓賓客和公眾可以更快得知遊樂設施的開放時間與運作程況，提昇賓客體驗
呢方面都幾貼心喎, 咁樣先有進步空間架嘛

遊樂設施暫停主因：近七成由於惡劣天氣 (63%)及賓客行為(6%)
我當天見到小小世界好似有段時間暫停左, 應該就係惡劣天氣的原因吧

安全系統發揮作用：

為保障賓客安全，所有遊樂設施都安裝安全系統。當系統感應到因異常操作或行為，
基於保護賓客，會迅速制停遊樂設施。

遊樂設施必須經過嚴謹的檢測及試行程序才會重新啟動 (最少需時30至60分鐘)

媽媽未去過迪士尼, 所以佢都有少少興奮同緊張

呢張相片, 每次去迪士尼例必會影的招牌相喔

點可以唔同返 tickets 合照呢

入到去就見到....呢個巡遊了, 就快龍年嘛, 當然要配合主題啦

首先就係帶媽媽去坐火車喇, 哈哈哈

等我都留念下先 :D

好野, 到左 Toy Story Land 入口了

迷離莊園 2013 登場, 好期待呀

灰熊山谷 2012 揭幕 YEAH !!

同王子影張相先, 嘻....王子一早在學校放假出來, 就去陪我入迪士尼了, 唔話得呢 =3=

跟住指示進入大本營先 hehe

我同王子研究過, 地下的圖案係唔會甩掉架, 究竟點整出來架呢? 油? 

yeah 到左啦!!!!! 好大個胡迪呀!!!!! 

同胡迪合照, 好開心呀, 就快可以玩啦

A-Z 哈哈哈哈, 好七彩呀!! 好靚

yeah ! M for Midori 呀!! 亦即係我, Mi 

RC racer 沖天搖控車

未去到之前呢, 我都同王子講, 一齊玩啦, 應該好好玩
但去到, 望到架車, 再聽到啲人尖叫....
我真係淆底了, 收得皮........只能叫王子單拖去玩
我幫佢影相好了 orz

之後王子話, 幾刺激丫, 幾好玩
係咩? -_- 好好玩咩? 唔覺喎, 我覺得搵自己條命較飛多D囉

而已.....我發現有個 RC racer 道具係旁邊, 無得上去玩, 去感受下張道具都好

上圖, 當我在道具上扮驚自拍時.....
王子竟然出賣左我XD 好過份呀, 人地係度扮驚, 就唔好影我啦 \_/ 哈哈哈

送上一張扮驚圖比大家....

似唔似真係玩緊呀? 哈哈哈哈哈......道具而已XD

玩呢呢個, 我地決定去排玩具兵團跳降傘........

你講咩呀? 喂喂?????
佢原來叫我快D 排隊去玩呀XD 

好似升到好高喎 X_X 應該無事既, 好慢上落, 唔會死卦 -_- 

好緊張呀, 就快到我喇, 希望上到去, 唔會驚啦 ._. 

期間見到友人 XX彤跟佢男人, 仲有兩個朋友排隊
我諗都唔諗, 大叫 XXX !! 佢即望過來
二人.....均對大家 =v=V 哈哈哈, 好搞笑

 

排隊期間, 我決定同王子玩自拍

..............之後....真係好對唔住, 我驚到大叫...
相都影唔到, 上去由自可.....停到最高落果下, 真係鵝北行鳥果隻

唔信? 有片睇呀, 王子拍低左我的大叫片段呀 T^T

驚完之後, 死唔憤氣, 走去玩彈弓狗, 呢個我無理由會驚架 \_/

拎左狗骨牌 - barking pass 準備上車

開動嚕

我真係完全唔驚呀! XDDDDDD 仲可以同王子影相添

睇我表情就知道完全唔驚啦! 好野, 我終於有樣野我唔驚架喇 -w-v

呀........小心空隙係有狗狗骨頭架!! 超可愛

遠處仲見到彈弓狗玩具添

士兵出動! 個小朋友嚇到跌左係度 0.0 噢!?

我地仲可以同到胡迪影相添, 好開心呀!! 

之後再去玩其他野, 又去影下相咁

我真的爆笑了......王子XDDDD

肚餓呀, 就去左醫肚, 買左娜娜小姐推薦的.....窩夫 :D

米奇老鼠窩夫

真係好好好好好好味呀!!!!! 好軟, 好好食

快樂不知時日過, 去左餐飲坐左陣, 休息一下, 又到睇煙花時間了

入左迪士尼4次, 第一次睇到煙花咋
今次仲係能夠跟王子一齊欣賞添
在睡公主城堡上空綻放著, 好靚呀 

以及一首名曲真係好有意思
那些年.......我同王子合唱過呢首歌架, 好多回憶呢 

走嚕, 真係人山人海呢

多謝迪士尼送我一天奇炒之旅呀
黎緊2012年, 灰熊山谷就會揭幕
希望再有機會去玩樂一番吧 :D

是日貼紙收獲, 唉呀, 我拎得好少咋, 職員好多都說派晒呢
不過拎到我鍾意的 Lotso 都已經好開心啦! hehe

臨近新年, 迪士尼已經推出左新年版貼紙啦, 你擁有左未呀? 

好喇, 文章到此, 就這樣吧...下篇文再見:)

多謝收看. 請支持留言及推薦一下

另可關注我更多 -

♥ theZtyle ♥ | ♥ YahooBlog ♥ | ♥ Blogspot ♥