香港人普遍會鍾意咩類型的食物?
日式? 小菜? 泰式? 打邊爐? 韓式? 麻辣? 打冷?
其實我就鍾意日式食物, 雖然今時今日周街都有壽司
不過要食到好的魚生、壽司、燒物, 真係唔係通街都係
我總認為, 食物質數同價錢都係成正比的
上星期半工作、半享受的情況下, 去左呢間日本餐廳...
__________________________________________________
見到呢張綜合圖, 係咪已經令你地流晒口水, 食指大動呢?
等我逐一為大家介紹, 當晚食左咩野啦
魚生, 係食日本野唔少得的食物
魚生好唔好味, 好睇佢的新鮮程度!! 唔新鮮除左口感唔好, 仲好易唔舒服
呢盤刺身真係不得了, 又厚切, 又新鮮, 又鮮甜! 食到停唔到口囉!!
最巴閉係"牡丹蝦" 超大隻, 超甜!!
仲有蝦頭, 好多膏, 勁Juicy !!
雞刺身, 你試過未? 我就第一次喇, 口感好特別, 嘻... 不過唔敢吃太多
始終係生類食物, 我自己腸胃又唔好, 好驚拉肚子
登登登登, 生蠔出場啦! 嘩嘩嘩!!
好大隻囉, 勁鍾意食生蠔呀, 果種蠔味, 海水味完全停留在口中一段時間
家陣諗返起, 都回味緊呀!!
壽司類, 你可能認為沒什麼特別?!
nonono.......右下的是"左口魚"!! 左口魚真係勁正
食落去, 入口即溶, 完全同舊飯溶為一體咁, 好好味!!
食左咁多生冷野, 突然來一碗熱蟹湯, 真係暖入心啊
入面仲有一隻蟹腳, 好好味, 好鮮甜
我就最鍾意飲湯架喇, 加埋啲疏菜, 真係可以中和一下之前咁膩的刺身
炸物時間, 這是炸雞, 不過小妹喉嚨唔多舒服, 只能看著友人吃了
這是什麼東東? 估唔估到呢?
其實佢係荔枝煙肉, 薄切煙肉包住多汁的荔枝, 好好味, 又香好醒胃
最後有呢款喬麥面, 相信大家都有吃過了吧
多謝老闆給我跟友人熱情款待的一個晚上
下次, 我會帶同羊生去試, 因為有人睇完我啲相嬲左我, 哈哈
話平時帶去食唔少好野丫, 點解今次無佢份咁話
哈哈哈哈.....
- 16th Floor, Tiffan Tower,197- 199 Wanchai Road, Hong Kong
就這樣, 下回見~
沒有留言:
張貼留言